سکول کے انتظامی کام میں مصنوعی ذہانت: ٹائم ٹیبل، سرکلر، رپورٹس اور والدین

یہ اردو خلاصہ ہے۔ مکمل ماڈیول انگریزی میں دستیاب ہے۔

ذاتی ڈیٹا باہر رکھیں: نام، رول نمبر، داخلہ نمبر، تصاویر، فون نمبر، پتے، نتائج، حاضری، تادیبی نوٹ اور خاندانی حالات سب ذاتی ڈیٹا (Personal data) ہیں۔ صرف وہ آلات استعمال کریں جن کی محکمہ اجازت دیتا ہے، اور ناموں کی جگہ کوڈ استعمال کریں۔

ٹائم ٹیبل: شرائط واضح بیان کریں اور اساتذہ کے لیے کوڈ (T1، T2) استعمال کریں۔ نتیجہ ہر جماعت اور ہر استاد کے لحاظ سے خود جانچیں، کیونکہ یہ آلات اکثر ایک وقت میں دو جگہ ڈیوٹی لگا دیتے ہیں۔ کام کے بوجھ میں انصاف آپ کی ذمہ داری ہے۔

سرکلر اور رپورٹس: حقائق خود دیں اور ہر تاریخ، وقت اور ہدایت اپنے نوٹس سے ملائیں۔ اگر مسودہ کوئی ایسا قاعدہ شامل کرے جو آپ نے نہیں دیا تو اسے ہٹا دیں۔ محکمانہ ہدایت کے الفاظ اصل سامنے رکھے بغیر کبھی نقل نہ کریں۔ رپورٹ کا ہر عدد آپ کے ریکارڈ سے آئے۔

والدین سے رابطہ: آسان زبان میں مختصر پیغام لکھیں۔ اردو ترجمہ کوئی ماہر اردو دان جانچے۔ کسی ایک طالب علم سے متعلق معاملے میں اس کی تفصیلات کسی آلے میں نہ ڈالیں۔ لہجہ باعزت ہو اور کسی خاندان کو شرمندہ نہ کرے۔

اجلاس کی روداد: اگر کسی طالب علم یا ملازم کا ذاتی معاملہ زیرِ بحث آیا ہو تو وہ تفصیلات پہلے ہٹائیں، یا اس اجلاس کے لیے آلہ استعمال نہ کریں۔